Бишкек, 30.07.26. /Кабар/. Сатыбалдиев Сүйүнбай Маматкасымович Баткен райондук мамлекеттик администрациясынын башчысы – акимдин орун басары болуп дайындалды.
Президенттин Баткен облусундагы өкүлчүлүгүнөн билдиришкендей, тиешелүү тескемеге министрлер кабинетинин төрагасы Адылбек Касымалиев кол койду.
Сүйүнбай Сатыбалдиевди Баткен районунун активине облус башчысынын орун басары Максатай Каримбердиева тааныштырып, жооптуу кызматында ийгиликтерди каалады.
Сүйүнбай Сатыбалдиев буга чейин Баткен райондук мамлекеттик администрациясынын аппаратын жетектеген.
