Бишкек, 27.08.26. /Кабар/. Улуттук коопсуздук мамлекеттик комитетинин А.Бакаев атындагы академиясында курсанттар аскердик ант беришти. Бул тууралуу атайын кызматтан билдиришти.
Иш-чарага УКМКнын жетекчилиги, академиянын өкүлдөрү, улуттук коопсуздук органдарынын ардагерлери, кызматкерлер, курсанттар жана чакырылган коноктор катышты.
Атайын кызматтын жетекчилиги аскердик ант Мекенге, элге жана аскердик милдетке берилгендиктин белгиси экенин белгилеп, курсанттарды кесиптик даярдыкка, тартипке, чынчылдыкка жана ак ниеттүүлүккө чакырды.
Ошондой эле болочок офицерлер өлкөнүн коопсуздугун камсыз кылууга жана эгемендүүлүгүн бекемдөөгө татыктуу салым кошоруна ишеним билдирилди.
Иш-чаранын жүрүшүндө курсанттар кол күрөш ыкмалары жана күжүрмөн куралдарды колдонуу боюнча көрсөтмөлүү өнөрлөрүн тартуулашты.
