Бишкек, 26.10.26. /Кабар/. Майлуу-Суу шаарында 1953-жылы курулган шаардык стадионду капиталдык оңдоп-түзөөдөн өткөрүү жана реконструкциялоо боюнча эскиздик долбоор иштелип чыкты. Бул тууралуу Курулуш министрлигинен билдиришти.
Долбоорго ылайык, стадиондун аймагында төмөнкү иштерди жүргүзүү каралган:
- Футбол талаасынын жабуусун жаңылоо жана дренаждык системаны орнотуу;
- Чуркоо жолун жаңылоо;
- Баскетбол жана волейбол аянтчаларын куруу;
- Батыш жана чыгыш трибуналарын оңдоп-түзөө;
- Спорттук жана машыгуу залдарын, кийим алмаштыруучу жана жуунуучу бөлмөлөрдү жаңылоо;
- Футбол талаасына жарыктандыруу системасын орнотуу;
- Унаа токтотуучу жай куруу.
Долбоор ишке ашырылгандан кийин стадион шаар тургундары үчүн спорт менен машыгууга, футбол, волейбол жана баскетбол боюнча мелдештерди өткөрүүгө ылайыкталган заманбап спорттук жайга айланат.
