Бишкек, 05.03.25. /Кабар/. Казакстандын Усть-Каменогорск шаарында Олимпиада чемпиону Ольга Рыпакованын кубогу үчүн өткөрүлгөн V эл аралык жеңил атлетика мелдеши өттү.
Мэриядан билдиришкендей, мелдешке дүйнөнүн 20 өлкөсүнөн 100дөн ашык спортчу катышты, алардын арасында Кыргызстандык спортчулар, Бишкектеги С. Жуманазаров атындагы ӨРАБӨМдүн тарбиялануучулары да катышкан.
Кыргызстандык спортчулар жогорку даярдык деңгээлин көрсөтүп, эки алтын медаль утуп, эл аралык аренада өлкөнү мыкты деңгээлде көрсөттү.
Бишкек шаарындагы ӨРАБӨМдүн тарбиялануучуларынын натыйжалары:
3000 м чуркоо (эркектер):
Кенешбеков Нурсултан – 1-орун (8:04,91);
Казакбаев Самат – 5-орун (8:43,78).
400 м чуркоо (эркектер, спринт):
Литовский Руслан – 6-орун (49,84).
3000 м чуркоо (аялдар):
Калил кызы Айнуска – 1-орун (9:33,77).
