Бишкек, 13.02.25. /Кабар/. Бүгүн Тышкы иштер министрлигинин Консулдук департаментинин директору Сейтек Жумакадыр уулу Индиянын Кыргызстандагы элчиси Бирендер Сингх Ядав менен жолугушту.
Кыргызстандын тышкы саясий ведомствосунан билдиришкендей, жолугушуунун жүрүшүндө тараптар консулдук чөйрөдөгү эки тараптуу кызматташтыктын актуалдуу маселелерин, анын ичинде эки өлкөнүн жарандарынын укуктарын жана кызыкчылыктарын коргоо боюнча биргелешкен чараларды, ошондой эле консулдук жана миграциялык процедураларды жөнөкөйлөтүүнүн мүмкүн болгон механизмдерин талкуулашты.
Эки тарап Кыргыз Республикасы менен Индия Республикасынын жарандарынын кызыкчылыктарында кызматташууну мындан ары бекемдөө үчүн активдүү өз ара аракеттенүүнүн маанилүүлүгүн белгилешти.
