Бишкек, 30.10.26. /Кабар/. “Ынтымак Ордодо” министрлер кабинетинин төрагасы Адылбек Касымалиев менен Казакстандын премьер-министри Олжас Бектеновдун катышуусунда кыргыз-казак өкмөттөр аралык кеңешинин 14-жыйыны өтүүдө.
Жыйын Казакстандын премьер-министри Олжас Бектеновдун Кыргызстанга жасаган расмий сапарынын алкагында уюштурулган.
Жолугушуунун жүрүшүндө эки өлкөнүн соода-экономикалык, инвестициялык жана башка тармактардагы кызматташтыгын өнүктүрүү маселелери талкууланууда.
Кыргыз-казак өкмөттөр аралык кеңешинин 14-жыйынына минкаб төрагасынан тышкары кыргыз тараптан төмөнкү мамлекеттик кызмат өкүлдөрү катышууда:
- КР министрлер кабинетинин төрагасынын орун басары — суу ресурстары, айыл чарба жана кайра иштетүү өнөр жайы министри Эрлист Акунбеков
- КР президентинин администрациясынын маалыматтык саясат кызматынын жетекчиси Дайырбек Орунбеков
- КР экономика жана коммерция министринин орун басары Султан Ахматов
- КР финансы министринин орун басары Нурбек Акжолов
- КР суу ресурстары, айыл чарба жана кайра иштетүү өнөр жайы министринин орун басары Бактыбек Анаркулов
- КР транспорт жана коммуникациялар министринин орун басары Кубанычбек Турганбаев
- КР Мамлекеттик салык кызматынын төрагасынын орун басары Кубанычбек Ысабеков
- КР тышкы иштер министринин биринчи орун басары Асеин Исаев
- Кыргызстандын Казакстандагы элчиси Кудайберген Базарбаев.
Эскерте кетсек, 2025-жылдын 13-ноябрында Казакстандын Астана шаарында Кыргызстандын министрлер кабинетинин төрагасы Адылбек Касымалиевдин жана Казакстандын премьер-министри Олжас Бектеновдун төрагалыгы алдында өкмөттөр аралык кеңештин 13-жыйыны өткөн. Анда соода-экономикалык, суу-энергетикалык, маданий-гуманитардык жана башка тармактардагы кыргыз-казак кызматташтыгынын маселелери каралган.
