Бишкек, 11.12.25 /Кабар/. Курулуш, архитектура жана турак жай-коммуналдык чарба министрлигинин курамында Инженердик изилдөөлөр департаменти түзүлдү.
Ведомстводон маалымдашкандай, күн мурун министр Нурдан Орунтаев жаңыдан түзүлгөн департаменттин капиталдык оңдоодон өткөн имаратына барып, анын ишмердүүлүгү менен таанышты.
Анда департаменттин директору Болот Чолпонбаев оңдоо иштери жана департаменттин миссиясы тууралуу маалымат берди.
Министр инженердик изилдөөлөрдүн курулуш тармагындагы маанилүү ордун баса белгилеп, ийгиликтер кызматкерлердин кесипкөйлүгүнө жана жоопкерчилигине байланыштуу экенин айтты.
Департаменттин негизги максаты — өлкөдө жүргүзүлгөн инженердик изилдөөлөрдүн илимий-техникалык негизделген, ишенимдүү жана комплекстүү болушун камсыз кылуу, ошондой эле:
- капиталдык курулуш объекттеринин сапатын жогорулатуу;
- инженердик коопсуздукту бекемдөө;
- курулуш иштеринин технологиялык маданиятын өнүктүрүү.
