Бишкек, 12.10.26 /Кабар/. Кочкордон Бишкек ЖЭБине көмүр темир жол менен жеткириле баштады. Бул тууралуу "Кыргыз темир жолу" ишканасынан билдиришти.
Кочкор темир жол бекетинен жүктөлгөн көмүр ташыган 15 вагон 11-октябрда Бишкек шаарындагы Аламүдүн темир жол бекетине келди.
"Эми Аламүдүн бекетиндеги көмүрдү Бишкек жылуулук электр борборуна (ЖЭБ) жеткирүү иштери жүргүзүлөт", - деп айтылат маалыматта.
Буга чейин Бишкек ЖЭБине көмүр Балыкчы темир жол бекети аркылуу жеткирилип келген.
Эске салсак, Кочкор темир жол бекетинде көмүрдү вагондорго жүктөө алгачкы жолу 10-октябрда жүргүзүлгөн. Жалпы сыйымдуулугу 1 миң тоннаны түзгөн 15 вагон Бишкекке көмүр жеткирүү үчүн жөнөтүлгөн.
