Бишкек, 08.10.26. /Кабар/. “Ала-Арча” мамлекеттик резиденциясында президенттин Иш башкармалыгына караштуу “Клиникалык оорукана” мамлекеттик мекемесинин 80 жылдык мааракесине арналган иш-чара өтүүдө.
Иш-чараны министрлер кабинетинин төрагасы Адылбек Касымалиев ачып, оорукананын эмгек жамаатын 80 жылдык мааракеси менен куттуктады.
Ал өз сөзүндө “Клиникалык оорукананын” жарандардын ден соолугун чыңдоого кошкон салымын жогору баалап, мамлекет тарабынан ооруканада бейтаптар жана кызматкерлер үчүн тийиштүү шарттарды түзүүгө көңүл бурулуп жатканын белгиледи.
Иш-чарага мамлекеттик органдардын өкүлдөрү, оорукананын ардагерлери жана кызматкерлери катышууда.
Белгилей кетсек, “Клиникалык оорукана” мамлекеттик мекемеси 80 жылдан бери өлкөнүн жогорку кызмат адамдарына жана жарандарга медициналык жардам көрсөтүп, саламаттык сактоо тармагында иш алып барып келет.
Иш-чаранын жүрүшүндө “Клиникалык оорукананын” бир катар кызматкерлерине ак ниет эмгеги, жогорку кесипкөйлүгү жана мекеменин 80 жылдык мааракесине кошкон салымы үчүн Кыргыз Республикасынын Президентинин Иш башкармасынын Ардак грамотасы жана грамотасы тапшырылаары күтүлүүдө
