Бишкек, 25.12.25 /Кабар/. Өлкө башчынын “бийликти мактабагыла” деген сөзү абдан туура болду. Бул тууралуу бүгүн IV Элдик курултайда Жогорку Кеңештин депутаты Элвира Сурабалдиева билдирди.
Анын айтымында, ар бир делегатка берилген убакытты эң маанилүү маселени көтөрүүгө колдонуу керек.
“Ар бир аймактан бирден делегат келген, анын артында бүтүндөй айыл өкмөтүнүн көйгөйү турат. Мамлекеттик органдардын өкүлдөрү бул жерде отурушат. Ошондуктан делегат өз маселесин так айтып жеткирүүгө аракет кылышы керек. Бул убакытты бийликти мактап өткөрүү туура эмес. Президентке жетпей жүргөн жарандар канча. Ошондуктан өлкө башчы бул маселени туура көтөрдү”,- деди Сурабалдиева.
