Бишкек 27.03.25 /Кабар/. Быйыл Жалал-Абад шаарына жазы жалбырактуу 3 миң көчөт отургузулат. Бул тууралуу муниципалитеттен билдиришти.
Күн мурун шаар мэри Эрнисбек Ормоков президенттин "Жашыл мурас" улуттук өнөктүгүнүн алкагында Көк-Арт кичи районундагы Фабричный көчөсүндө көчөт отургузууга катышты.
Шаар башчысы Жашылдандыруу жана көрктөндүрүү чарбасынын жетекчисине көчөттөрдү батыраак эгип, алардын куурап калуусунун алдын алуу боюнча алгылыктуу иш алып баруу тапшырмасын берди.
Белгилей кетсек, 2025-жылы Жалал-Абад шаарынын аймагына жергиликтүү бюджеттин эсебинен 3 миң түп жазы жалбырактуу (каштан, чынар, эмен) дарактардын көчөтүн отургузуу пландалган. Учурда анын 50%ы отургузулду.
