Бишкек, 29.03.26. /Кабар/. Бишкектин айрым жерлеринде 1-апрелде суу убактылуу өчүрүлөт. Бул тууралуу мэриядан билдиришти.
Маалыматка ылайык, бул күнү саат 09:00дөн 22:00гө чейин турак жай, мектеп, бала бакча, саламаттыкты сактоо мекемелери жана башка социалдык-өнөр жай объектилерине ичүүчү суу берүү токтотулат.
Өчүрүү аймагы:
- Лермонтов көчөсү – Ауэзов көчөсү – Ш. Баатыр көчөсү – Көлбаев көчөсү, ЖЭБ – Токмок каналы;
- Аламүдүн кичи району, Куруучулар шаарчасы.
Суу "Кажысай" суу топтомосу жана шаардык суу түтүк тармактарында оңдоо иштерин жүргүзүүгө байланыштуу өчүрүлөт.
"Бишкексууканал" ишканасы ичүүчү сууну алдын ала камдап алууну суранат.
