Бишкек, 11.02.25. /Кабар/. Бишкектеги Кардиохирургия илимий-изилдөө институтунан чыккан өрт толук өчүрүлдү.
Өзгөчө кырдаалдар министрлигинен билдиришкендей, тилсиз жоо саат 22:33тө чектөөгө алынып, саат 23:15те толук өчүрүлдү. Кырсыктан 260 адам коопсуз жайга эвакуацияланды. Алардын 216сы бейтаптар болсо, ал эми 44ү дарыгерлер.
Белгиленгендей, өрт кырсыгын ӨКМ башчысы Бообек Ажикеев өзү жеринде көзөмөлдөдү.
Министр имараттагы абал менен таанышып, дарылануучулардан кабар алды.
Белгилей кетсек, Бишкекте Кардиохирургия илимий-изилдөө институтунун имаратынан өрт чыккан. Тилсиз жоону өчүрүүгө жалпысынан 6 күжүрмөн эсеп, 2 автошаты тартылган.
