Бишкек, 15.09.26. /Кабар/. Бишкектеги мектептерде биринчи коңгуроо кагылып, Билим күнүнө жана жаңы 2026–2027-окуу жылынын башталышына арналган салтанаттуу иш-чаралар өттү.
Мэриядан билдиришкендей, быйыл 27 миңден ашуун биринчи класстын окуучусу мектеп босогосун аттады.
№88 жалпы билим берүү мектебинде өткөн салтанаттуу иш-чарага Бишкек шаарынын мэринин орун басары Рахат Мусаева катышты.
Ал окуучуларды, мугалимдерди жана ата-энелерди жаңы окуу жылынын башталышы менен куттуктап, мектеп окуучуларына окууда ийгиликтерди жана жаңы билимге умтулууну каалады.
Борбор калаадагы бардык мектептерде окуу жылынын биринчи күнүндө жаңы окуу жылынын башталышына арналган алгачкы сабактар өтүлдү.
