Бишкек, 01.04.26. /Кабар/. Баткен облусу менен Өзбекстандын Фергана облусунун ортосунда кызматташуу боюнча макулдашууга кол коюлду. Бул тууралуу өкүлчүлүктөн билдиришти.
Маалыматка ылайык, документ соода-экономикалык, илимий-техникалык, социалдык, маданий жана гуманитардык тармактарды камтыйт.
Фергана облусу менен Баткен облусунун Баткен, Кадамжай райондору жана Кызыл-Кыя шаарынын ортосунда өз ара кызматташуу тууралуу макулдашууларга ылайык, тараптар ишкерлер үчүн ыңгайлуу шарттарды түзүү, айыл чарба тармагында кызматташуу, тажрыйба алмашуу, биргелешкен инвестициялык долбоорлорду ишке ашыруу, ошондой эле билим берүү жана туризм тармактарында кызматташат.
Документтерге эки облустун өкүлдөрү кол койду.
Бул иштер Кыргызстан менен Өзбекстандын президенттери кол койгон эки тараптуу келишимдерге жана Жол картасына ылайык ишке ашууда.
