Бишкек, 12.02.25. /Кабар/. Харбин шаарында өтүп жаткан Кышкы Азия оюндарында хоккей боюнча Кыргызстандын курама командасы 7-орунга ээ болду.
Дене тарбия жана спорт департаментинен билдиришкендей, Кыргызстандын курамасы 1-турда Кувейт курамасын 8:9 эсебинде, 2-турда Бахрейнди 29:0, 3-турда Сингапур курамасын 11:2 эсебинде утуп алган.
Төртүнчү турда Гонконгду 6:5 эсебинде жеңип, чейрек финалда Түштүк Кореянын командасына утулуп калды.
Эске салсак, хоккей боюнча мелдешке Кыргызстан, Казакстан, Бахрейн, Гонконг, Кувейт, Сингапур, Түштүк Корея, Кытай, Тайван, Тайланд, Түркмөнстан, Индия, Макао жана Япониянын курама командалары катышууда.
