Бишкек, 18.03.26 /Кабар/. Айгүл Рыскулова Евразиялык экономикалык комиссиянын (ЕЭК) Эмгек миграциясы жана социалдык коргоо департаментинин директору болуп дайындалды. Бул тууралуу комиссиядан билдиришти.
Айгүл Рыскулова 1995-жылы Эмгек жана социалдык мамилелер академиясын аяктаган.
1981–1995-жылдары өлкөнүн сот системасында иштеген. 1995–2003-жылдары Эмгек жана социалдык коргоо министрлигинде жетекчилик кызматтарда эмгектенген.
2003–2005-жылдары Социалдык фонддо аппарат башчысы жана төраганын биринчи орун басары болуп иштеген. 2005–2010-жылдары эмгек, иш менен камсыздоо жана миграция министри болуп кызмат кылган.
2010–2011-жылдары президенттин кеңешчиси, 2012-жылы өкмөттүн аппарат жетекчисинин орун басары жана Мамлекеттик каттоо кызматынын төрайымы болгон. 2014–2018-жылдары Бишкек шаарынын вице-мэри жана мэрдин милдетин аткаруучу болуп турган.
2020–2024-жылдары КМШнын Экономикалык кеңешиндеги Кыргызстандын ыйгарым укуктуу өкүлү, Экономикалык маселелер боюнча комиссиянын төрайымы кызматын аркалаган.
