Бишкек, 08.03.25. /Кабар/. 8-март - Айымдардын эл аралык күнүн утурлай “Кабар” маалымат агенттиги борбор калаадагы майрамдык маанайды чагылдырган сүрөт баян тартуулайт.
Шаарда колунда кармаган гүлү жок айымды учуратуу кыйын. Апасына, эже- карындашына же сүйүктүүсүнө арналган гүлдү көтөрүп, аларды майрамы менен куттуктоого шашкан эркектердин да саны аз эмес.
Майрамдын шылтоосу менен шаардын борбордук көчөлөрүнүн жээктери көз жоосун алган гүл базарга айланды. Бир карасан гүл бакчадай көрүнгөн жайлардан гүлдөрдүн каалаган түрүн тапсаңыз болот.
