Бишкек, 27.11.25. /Кабар/. Жамааттык коопсуздук келишим уюмунун башкы катчысы Имангали Тасмагамбетов ЖККУнун биринчи даражадагы "Ардак" төш белгиси менен сыйланды.
Белгилей кетсек, Тасмагамбетов Бишкекте ЖККУ жыйынында "Эл аралык жана аймактык коопсуздуктун актуалдуу маселелери жана сессиялар аралыгындагы мезгилдеги ЖККУнун ишмердүүлүгүнүн негизги жыйынтыктары" аталышында баяндама жасады.
Маалым болгондой, 2026-жылдын 1-январынан тартып Жамааттык коопсуздук жөнүндө келишими уюмунун башкы катчысы Таалатбек Масадыков болот.
