Бишкек, 19.09.26. /Кабар/. Бүгүн, 19-сентябрда Япониянын Нагоя шаарында XX Азия оюндарынын салтанаттуу ачылыш аземи өттү.
Дене тарбия жана спорт мамлекеттик агенттигинен билдиришкендей, иш-чаранын жүрүшүндө Азия өлкөлөрүнүн спортчулары, анын ичинде Кыргызстандын спортчулары да өлкө желегин көтөрүп, салтанаттуу параддан өтүштү.
Ачылыш аземи концерттик программа менен коштолду.
Белгилей кетсек, Кыргызстан XX Азия оюндарына спорттун 30 түрү боюнча катышууда. Өлкөнүн атынан жалпы 168 спортсмен жана 58 машыктыруучу бар.
Мындан тышкары, спортчуларга медициналык жардам көрсөтүү жана калыбына келтирүү иштерин камсыз кылуу максатында Кыргызстандын делегациясынын курамында 7 дарыгер жана массажист бар.
Мелдештер 4-октябрга чейин өтөт.
