“Торугарт” өткөрмө пункту: электрондук кезек, жаңыланган инфраструктура – сүрөт

Экономика
“Торугарт” өткөрмө пункту: электрондук кезек, жаңыланган инфраструктура – сүрөт
Кабар редакциясы

“Торугарт” өткөрмө пунктунда жүк ташуучу унаалар үчүн электрондук кезек системасы киргизилип, инфраструктураны модернизациялоо иштери уланууда. Бул тууралуу “Мамлекеттик бажы инфраструктурасы” ААКы билдирди.

“Торугарт” өткөрмө пункту: электрондук кезек, жаңыланган инфраструктура – сүрөт

Электрондук кезек системасын киргизүү - эл аралык маанидеги негизги транспорттук коридорлордун биринде жүк ташуучу унаалардын кыймылын тартипке келтирүүдөгү маанилүү кадам болду. Буга чейин “Торугарт” өткөрмө пунктунун аймагында байма-бай узун кезектер катталып, айрым учурларда алардын узундугу 25 чакырымга чейин жеткен, бул жол инфраструктурасына чоң күч келтирип, Чатыр-Көл аймагынын экологиясына да терс таасирин тийгизип келген.

“Торугарт” өткөрмө пункту: электрондук кезек, жаңыланган инфраструктура – сүрөт

Жаңы система жүк ташуучу унааларды алдын ала каттап, электрондук кезекти түзүүгө көмөктөшөт. Унаалар атайын уюштурулган “Кара-Булак” күтүү аймагында жайгаштырылып, белгиленген электрондук тартипке ылайык этап-этабы менен өткөрмө пунктка жөнөтүлөт.

“Торугарт” өткөрмө пункту: электрондук кезек, жаңыланган инфраструктура – сүрөт

Бул механизм төмөнкү мүмкүнчүлүктөрдү камсыздайт:

  • өткөрмө пункттун аймагында унаалардын топтолушунун алдын алуу;
  • жолдорго түшкөн жүктү азайтуу;
  • жүк ташуучу унаалардын агымын тең салмактуу бөлүштүрүү;
  • мамлекеттик чек арадан өтүүнүн ачыктыгын жана алдын ала божомолдоону камсыз кылуу.
“Торугарт” өткөрмө пункту: электрондук кезек, жаңыланган инфраструктура – сүрөт

Белгиленгендей, долбоор өлкөнүн чек ара инфраструктурасын комплекстүү модернизациялоонун алкагында “Мамлекеттик бажы инфраструктурасы” ААК тарабынан ишке ашырылууда.

“Торугарт” өткөрмө пункту: электрондук кезек, жаңыланган инфраструктура – сүрөт

Ошондой эле "Торугарт" өткөрмө пунктунда ири жаңылоо иштери жүрүп жатканы белгиленди. Ал жерде административдик имараттар реконструкцияланып, аймак кеңейтилүүдө жана жаңы текшерүү комплекси курулууда.

“Торугарт” өткөрмө пункту: электрондук кезек, жаңыланган инфраструктура – сүрөт

Тышкы экономикалык ишмердүүлүктүн катышуучулары үчүн заманбап күтүү залы да ачылды. Бул чаралар чек арадан өтүүнү ылдамдатууга, жүк ташуучулар үчүн шарттарды жакшыртууга жана Кыргызстандын транзиттик мүмкүнчүлүктөрүн күчөтүүгө багытталган.