Бишкек, 07.02.25. /Кабар/. Танзиля Сатимова Транспорт жана коммуникациялар министрлигине караштуу Жол фондунун директору болуп дайындалды.
Ведомстводон маалымдашкандай, тиешелүү тескемеге министрлер кабинетинин төрагасы Адылбек Касымалиев кол койду.
Жаңы жетекчини жамаатка транспорт министринин орун басары Бекназар Базаралиев тааныштырып, алдыга коюлган милдеттерди эффективдүү ишке ашыруу үчүн буга чейин топтолгон тажрыйбаны толук жумшап, жакшы натыйжа көрсөтөрүнө ишенимин билдирүү менен ийгиликтерди каалады.
Белгилей кетсек, буга чейин аталган кызматты аркалап келген Азиз Эсенов өз каалоосу менен ээлеген кызматынан бошотулган.
