Бишкек, 27.04.26. /Кабар/. Талас облусунун Айтматов районундагы Касымбек-Ата базарында азык-түлүк жарманкеси өттү. Бул тууралуу Суу ресурстары, айыл чарба жана кайра иштетүү өнөр жайы министрлигинен билдиришти.
Маалыматка ылайык, иш-чарада жергиликтүү дыйкан жана өндүрүүчүлөр өздөрүнүн жашылча-жемиштерин арзандатылган баада сатышты. Ошондой эле жылкы эти 670 сом, уй эти 680 сом, кой эти 690 сомдон сатылды.
Өлкөнүн бардык аймактарында белгиленген график боюнча, май айына чейин азык-түлүк жарманкелери министрликтин райондук агрардык башкармалыктары тарабынан уюштурулууда.
