Бишкек, 20.02.25. /Кабар/. Бүгүн Сузак районунун Барпы айыл өкмөтүнө караштуу Ырыс айылында жаңы спорт комплекси пайдаланууга берилди.
Кыргыз футбол биримдигинен билдиришкендей, иш-чарага президенттин Жалал-Абад облусундагы өкүлүнүн орун басары Урматбек Самаев, Кыргыз футбол биримдигинин башкы катчысы Сыдыков Медербектин, жергиликтүү аймактын жетекчилери жана жашоочулардын катышты.
Аталган спорткомплекс 0,29 гектар жер тилкесинде жайгашып, "Акматалы ажы" аталышына ээ болду.
Комплекстин курулушу Жалал Абад облусунун өнүктүрүү фонду, Сузак райондук өнүктүрүү фонду, Жергиликтүү айыл өкмөтү жана Кыргыз футбол биримдиги, Ырыс айылынынын эли жана жеке ишкерлер тарабынан каржыланды. Спорт комплекстин курулуш иштери 2020-жылы башталып, 2025-жылдын февраль айына бүткөрүлдү.
Бул комплекс жергиликтүү жана республикалык эле эмес футзал, волейбол жана башка спорттун түрлөрү боюнча эл аралык ар түрдүү спорттук мелдештерин өткөрүүгө ылайыкталып, анда бир нече функционалдык бөлмөлөр орун алды.
