Бишкек, 22.06.26. /Кабар/. 20–21-июнда Соң-Көлдө жаратылышты коргоо багытындагы кезектеги рейд өткөрүлдү. Бул тууралуу Жаратылыш ресурстары, экология жана техникалык көзөмөл министрлигинен билдиришти.
Маалыматка ылайык, анда Экологиялык жана техникалык көзөмөл кызматынын инспекторлору жана “Каратал-Жапырык” мамлекеттик жаратылыш коругунун кызматкерлери тарабынан көлдөн жалпысынан 5 300 метрден ашык тор чыгарылды.
Белгилей кетсек, бул иштер Соң-Көлдүн экосистемасын сактоо жана балык ресурстарын коргоо максатын көздөйт. Жаратылышты коргоо боюнча рейддер мындан ары да үзгүлтүксүз уланат.
