Бишкек, 15.05.26. /Кабар/. 4-6-июнда Бишкектеги "Жаштык арена" спорт комплексинде Ala-Too Trade and Industry Expo 2026 эл аралык көргөзмөсү өтөт.
Экономика жана коммерция министрлигинен билдиришкендей, иш-чара Кыргызстандын 2026-жылдагы Шанхай кызматташтык уюмундагы төрагалыгынын алкагында Biexpo компаниясы менен биргеликте уюштурулат.
Көргөзмөгө Беларусь, Кытай, Кыргызстан, Россия, Тажикстан жана Өзбекстандан 50дөн ашуун өндүрүш компаниялары катышат. Экспозицияда:
- машина куруу;
- энергетика;
- электротехникалык жабдуулар;
- металлургия;
- курулуш материалдары;
- химия жана фармацевтика;
- өнөр жай технологиялары жана башка тармактар сунушталат.
Көргөзмө B2B жана B2G форматындагы эл аралык аянтча болуп, өнөктөштүк түзүүгө, инвестиция тартууга жана өнөр жай кооперациясын өнүктүрүүгө мүмкүнчүлүк берет.
Байланыш: Нагина Чокушова – +996 557 050 798.
Сайт: kyrgyzbuild.kg
Instagram: @biexpo.official
