Президент Кыргызстандын жаңы Эмгек кодексине кол койду. Эмнелер өзгөрдү?

Президент
Президент Кыргызстандын жаңы Эмгек кодексине кол койду. Эмнелер өзгөрдү?
Президент Кыргызстандын жаңы Эмгек кодексине кол койду. Эмнелер өзгөрдү?
Алдыга
Артка
Президент Кыргызстандын жаңы Эмгек кодексине кол койду. Эмнелер өзгөрдү?
Президент Кыргызстандын жаңы Эмгек кодексине кол койду. Эмнелер өзгөрдү?
Алдыга
Артка
copyright icon Президенттин басма сөз кызматы

Бишкек, 25.01.25. /Кабар/. Президент Садыр Жапаров 2024-жылдын 18-декабрында Жогорку Кеңеш тарабынан кабыл алынган Кыргыз Республикасынын Эмгек кодексине кол койду.

Президент Кыргызстандын жаңы Эмгек кодексине кол койду. Эмнелер өзгөрдү?

КР Эмгек кодекси кызматкерлердин жана иш берүүчүлөрдүн кызыкчылыктарынын балансына жетишүүгө багытталган.

Кодекстин концепциясы менен төмөнкүлөр каралат:

– эмгек келишиминин, эмгек мамилелеринин шарттарынын тартибин жөнөкөйлөштүрүү (эмгек келишимин, эмгек ченемдерин камтыган локалдык ченемдик укуктук актыларды электрондук түрдө түзүү; электрондук эмгек китепчесин жүргүзүү);

– Кыргыз Республикасында мамлекеттик майрамдардын жана жумуш күн деп эсептелбеген майрамдардын санын кыскартуу;

– жаңы жылдык жана май айындагы каникулдарды белгилөө;

– дем алыш күндөрүн которуу ченемин жокко чыгаруу;

– ден соолугунун мүмкүнчүлүктөрү чектелүү адамдар, балдар үйлөрүнүн бүтүрүүчүлөрү үчүн жумуш орундарын квоталоо боюнча атайын иш-чараларды белгилөө;

– кызматкер жумушта жаракат алган же каза болгон учурда бир жолку берилүүчү жөлөкпулдун өлчөмүн Кыргыз Республикасынын Министрлер Кабинети тарабынан аныкталуучу бирдей өлчөмдөгү бир жолку компенсация төлөө;

– иш берүүчү тарабынан эмгек акыны, өргүү акысын төлөөнүн, иштен бошотууда эсептөөнүн жана башка төлөмдөрдүн мөөнөтүн бузган учурда 0,25 % өлчөмүндөгү айыптык ставканын бирдиктүү пайызын белгилөө;

– эмгек акыны өндүрүү боюнча талаш-тартыштардын эскирүү мөөнөтүн белгилөө – 3 жыл;

– мөөнөтү өтүп кеткен карызды төлөөдө пайыздык чендердин чектөөлөрүн алып салуу;

– тараптардын макулдашуусу боюнча эмгек келишиминде аралыктан иштөө менен бирге комбинацияланган аралыктан иштөө да белгилениши мүмкүн деген ченемди киргизүү;

– кош бойлуу аялдардын, бала эмизген аялдардын оор жумуштарда жана эмгек шарттары зыяндуу жана (же) кооптуу жумуштарда иштөөсүнө тыюу салган чараларды белгилөө;

– кесиптик стандарттардын негизинде аткарылган иштин санына, сапатына жана татаалдыгына жараша аныкталуучу сый акы;

– Эмгек кодексинен кызматкерлердин жана иш берүүчүлөрдүн өкүлчүлүгүнүн маселелерин жөнгө салуучу 7 беренени “Кыргыз Республикасындагы эмгек мамилелер жаатындагы социалдык өнөктөштүк жөнүндө” Кыргыз Республикасынын Мыйзамына которуу.