Бишкек, 25.06.25. /Кабар/. Ошто милиция кызматкерине пара берүү фактысы боюнча кылмыш иши козголду. Бул тууралуу Ички иштер министрлигинен билдиришти.
Маалыматка ылайык, 23-июнь күнү Р.И. аттуу жарандын бутуна бычак саюу фактысы боюнча козголгон кылмыш иши боюнча шектүү катары суралып жаткан И.И. аттуу жаран маселени оң жагына чечүү максатында милиция кызматкерине пара сунуштаган.
Аталган факты Тергөө кызматы тарабынан КР Кылмыш-жаза кодексинин "Пара берүү" беренеси менен кылмыш иши козголгон.
Ыкчам иш-чараларынын жүрүшүндө ИИМдин кызматкерлери тарабынан кызматтык бөлмөдө милиция кызматкерине 15 миң сом берип жаткан жеринен 1996-жылы туулган И.И. аттуу жаран кармалган.
Азыркы учурда шектүү Ош ШИИБдин убактылуу кармоочу жайына киргизилген.
