Бишкек, 31.03.25. /Кабар/. Ош шаарынын Озгур айылына тротуарларды куруу үчүн мыйзамсыз курулуштар буздурулат. Бул тууралуу муниципалитеттен билдиришти.
Бүгүн Ош шаарынын мэри Жеңишбек Токторбаев таң эрте кезектеги рейддик кыдырууга чыгып, Озгур айылындагы жолдордун абалын көрүп чыкты.
Кыдыруу учурунда калаа башчысы тиешелүү кызматтарга кызыл сызыктан чыгып кеткен мыйзамсыз курулуштарды бузуп, курулушу токтоп калган объектилердин (мектеп, бала бакча) курулуш жумуштарын кайра жандандыруу боюнча тапшырмаларды берди.
Мындан тышкары, сел коркунучу бар аймактарга жакын болгон жерде алдын алуу иштерин жүргүзүүнү тапшырды.
