Бишкек, 02.04.26 /Кабар/. Күн мурун Улуттук банктын төрагасы Алмаз Бакетаев Эл аралык валюта фондунун (ЭВФ) командасы менен жыйынтыктоочу жолугушуу өткөрдү.
Улуттук банктан билдиришкендей, тараптар акча-кредит саясаты, финансы секторунун туруктуулугу жана өлкөдө макроэкономикалык туруктуулукту колдоо боюнча чаралар сыяктуу негизги маселелерди талкуулашты.
Жолугушууга ЭВФтин Швейцария добуш берүү тобунда Кыргызстандын кызыкчылыгын коргогон өкүл — ЭВФтин аткаруучу директору Патрик Лошевски да катышты. Анын катышуусу диалогдун маанилүүлүгүн жана өлкөбүздүн эл аралык деңгээлде кесипкөй өз ара аракеттенүүгө даяр экенин баса белгиледи.
