Бишкек, 10.02.25. / Кабар/. Кыргызстандын бокс боюнча улуттук курама командасынын мүчөлөрү “Belgrade Winner” эл аралык мелдешинде 9 медаль (1 алтын, 2 күмүш, 6 коло) жеңди.
Дене тарбия жана спорт департаментинен билдиришкендей, мелдеш Сербиянын Белград шаарында өттү.
Алсак, 54 кг чейинки салмакта катышкан Зафарбек Камалов алтын медалга, Элдар Турдубаев (71 кг) жана Бекзат Ысабек уулу (57 кг) күмүш медалга ээ болушту.
Ал эми Бекзат Эргешов (51 кг), Тургунбек Иманкадыров (57 кг), Баяман Азизбек уулу (60 кг), Оомат Белекбаев (63.5 кг), Сыргак Абдыжапар уулу (71 кг) жана Сагын Сатыбалды уулу (80 кг) коло медалга татыды.
Эске салсак, улуттук курама команда машыктыруучулар Улан Сагынбаев жана Темирлан Осмоновдун жетекчилиги алдында мелдешке катышты.
