Бишкек, 06.03.25. /Кабар/. Кыргызстандын Малайзиядагы элчиси Анвар Анарбаев Малайзиянын Улуттук соода-өнөр жай палатасынын (NCCIM) президенти Н.Гобалакришнан менен жолугушту.
ТИМден билдиришкендей, жолугушуунун жүрүшүндө Кыргызстан менен Малайзиянын ортосунда бизнес-сапарларды уюштуруу жана соода-инвестицияларды илгерилетүү, анын ичинде айыл чарба, энергетика, тоо-кен өндүрүшү жана IT тармактарына басым жасоо менен биргелешкен иш-чараларды өткөрүү боюнча пландар талкууланды.
Мындан тышкары, NCCIM менен Кыргызстандын Соода-өнөр жай палатасынын ортосунда түз кызматташтыкты түзүү маселелери да каралды.
