Бишкек, 03.04.25. /Кабар/. Кара-Кулжада мыйзамсыз берилген 12 га жер тилке муниципалдык менчикке кайтарылды. Бул тууралуу Башкы прокуратурадан билдиришти.
Маалыматка ылайык, Ош облусунун Кара-Кулжа районунун прокуратурасы тарабынан КР жер мыйзамдарынын аткарылышы боюнча текшерүү жүргүзүлгөн.
Текшерүүнүн жүрүшүндө Кара-Кулжа айыл аймагына караштуу болгон жалпы 12 га айыл чарба багытындагы жер тилкеси мыйзамсыз “У” дыйкан чарбанын жеке менчигине берилгендиги аныкталган.
Көрүлгөн прокурордук чаралардын жыйынтыгы менен 4 млн 43 миң 368 сомдук 12 га жер тилкеси муниципалдык менчикке кайтарылды.
