Бишкек, 22.02.25. /Кабар/. Ички иштер министрлигинин Ички аскерлеринде Ата Мекенди коргоочулар күнүнө арналган салтанаттуу иш-чара өттү.
ИИМдин басма сөз кызматы билдиргендей, иш-чарага Ички аскерлердин колбашчысы, аскер кызматкерлери жана ардагерлер катышты.
Маалым болгондой, Ички аскерлердин колбашчысы Дамир Алыбаев өздүк курамды куттуктап, бул майрам Ата Мекенди өз кызматы, ар-намысы жана эрдиги менен коргогондор үчүн экенин белгиледи.
Ошондой эле майрамдын жүрүшүндө өзгөчөлөнгөн аскер кызматкерлери сыйланышты.
Иш-чаранын соңунда ИИМдин Ички аскерлеринин аскер кызматкерлери жана чыгармачылык жамааты тарабынан даярдалган майрамдык концерт тартууланды.
