Бишкек, 03.08.26. /Кабар/. Ички иштер министрлигинин Эксперттик-криминалисттик кызматынын кызматкерлери Россия ИИМинин Эксперттик-криминалисттик борборунун адистери өткөргөн квалификацияны жогорулатуу курсун ийгиликтүү аяктап, сертификаттарга ээ болушту.
Ведомствонун маалыматына караганда, окуу эки өлкөнүн ички иштер органдарынын кызматташтыгынын алкагында уюштурулуп, соттук генетиканын заманбап ыкмалары, геномдук изилдөөлөр жана криминалистикалык технологияларды колдонуу боюнча билимди тереңдетүүгө багытталды.
Иш-чаранын жүрүшүндө эки тараптуу кызматташтыкка кошкон салымы үчүн Россия ИИМинин Эксперттик-криминалисттик борборунун өкүлдөрү сыйланды.
