Бишкек, 17.02.25. /Кабар/. Бишкекте балдарды акысыз окуткан чыгармачыл борбор ачылды.
Мэриядан билдиришкендей, Свердлов районуна административдик-аймактык реформанын алкагында кошулган Аламедин муниципалдык башкаруу аймагында, балдар чыгармачылыгы борбору өз ишин баштады.
Борбордо төмөнкү багыттар боюнча 12 ийрим ачылды: заманбап жана элдик бийлер, комуз, баштапкы техникалык моделдөө, компьютер дүйнөсү, скульптура, көркөм өнөр, чий токуу, оймо, оригами (декоративдик жана прикладдык искусство), эрте өнүктүрүү ийрими, англис тили жана шахмат.
Ийримге Алма-Ата көчөсү 424 дареги боюнча катталсаңыз болот.
Белгилей кетсек, бардык сабактар акысыз өткөрүлөт.
