Бишкек, 11.03.25. /Кабар/. Бүгүн Чаткал районунун Ак-Терек айылында милициянын аймактык бөлүмчөсүнүн жаңы имаратынын курулушу башталды.
Капсула салуу аземине президенттин Жалал-Абад облусундагы өкүлүнүн биринчи орун басары Нурлан Эрматов катышты.
Облус башчысынын биринчи орун басары курулуш жумуштары аяктаса, аймактагы милиция кызматкерлерине жакшы шарт түзүлүп, коопсуздукту камсыздоо сапаты жогорулаарын белгиледи.
Курулуш жумуштары демөөрчүлөр тарабынан каржыланууда.
