Бишкек, 11.11.25. /Кабар/. "Чакан ГЭС" ААК күз-кыш мезгилине 100 пайыз даяр. Бул тууралуу Энергетика министрлигинен билдиришти.
Маалыматка ылайык, "Чакан ГЭС" ААК өлкөнүн энергетика системасынын ишенимдүүлүгүн жогорулатууга жана күз-кыш мезгилин ийгиликтүү өткөрүү үчүн 2025-жылга жалпысынан 4 гидроагрегатты капиталдык оңдоп-түзөөдөн өткөрүүнү пландаган. Алар:
- Быстровка ГЭСинин №1 гидроагрегаты;
- 6-ГЭСтин №1 гидроагрегаты;
- Кичи ГЭСтин №1 гидроагрегаты;
- 5-ГЭСтин №1 гидроагрегаты.
Бүгүнкү күнгө 4 гидроагрегат тең толук капиталдык оңдоодон өтүп, ишке берилди.
Мындан тышкары, "Чакан ГЭС" ААКтын адистери гидроэлектростанциялардын негизги жана көмөкчү жабдууларын пландык оңдоодон өткөрүп, модернизациялоо иштерин так жана өз маалында аткарышты.
