Бишкек, 05.02.25. /Кабар/. Бишкекте карызы бар абоненттерге карата рейддик иш-чаралар өткөрүлүүдө. Бул тууралуу мэриядан билдиришти.
«Тазалык» муниципалдык ишканасынын кызматкерлери бир нече жылдан бери таштанды үчүн карызын төлөбөгөн абоненттердин үйлөрүн кыдырып чыгууда.
Кызматкерлер, карыз болгон абоненттердин үйлөрүнө атайын стикерлерди жабыштырып жатат.
Белгилей кетсек, азыркы учурда жеке жана юридикалык жактардын «Тазалык» ишканасына төлөй турчу карызы 200 миллион сомдон ашкан.
