Бишкек, 29.09.26. /Кабар/. Бишкекте Kampa Industrial Park өндүрүштүк аянтчасы ишке кирди. Бул тууралуу Инвестициялар боюнча улуттук агенттиктен билдиришти.
Анын ачылышына агенттиктин, ишкананын жана бизнес-коомчулуктун өкүлдөрү катышты.
Жаңы өндүрүштө LAMIS, CAISER/Кайзер жана BLESK/LAMIS бренддеринин үй-тиричилик товарлары жана тиричилик техникалары чыгарылат. Ошондой эле Midea, Haier жана Baumann продукцияларын өндүрүү жана сатуу каралган.
Ишкананын ишке кириши болжол менен 200 жаңы жумуш ордун түзүүгө мүмкүндүк берет. Өндүрүштү кеңейтүү жана продукциянын көлөмүн көбөйтүү менен бирге анын бир бөлүгүн "Кыргызстанда өндүрүлгөн" деген маркировка менен тышкы рынокторго экспорттоо пландалууда.
