Бишкек, 01.03.25. /Кабар/. Бүгүн, 1-мартта Asman Airlines авиакомпаниясы Кербен шаарына алгачкы коммерциялык каттамын ийгиликтүү аткарды. Бул тууралуу "Кыргызстан аэропорттору" ААК башкармалыгынын төрагасы Манас Самидинов социалдык тармактагы баракчасы аркылуу билдирди.
Анын айтымында, учуу убактысы 35 мүнөткө созулду. Авиабилеттин баасы 3600 сомдон башталат.
"Жүргүнчүлөргө Бишкек шаарынан Жалал-Абад облусунун "Кербен" аймактык аэропортуна тез жана ыңгайлуу жетүүгө мүмкүнчүлүк түзүлдү. Эми Бишкек – Кербен – Бишкек багыты боюнча каттамдар ар ишемби сайын аткарылат. Авиабилеттин баасы 3600 сомдон башталат.
Билеттерди расмий asmanairlines.kg веб сайтынан жана "Asman Airlines" мобилдик тиркемесинен сатып алсаңыздар болот", - деп белгиледи ал.
