Бишкек, 03.02.25. /Кабар/. Беларустун өкмөтү отставкага кетти. Бул тууралуу БелТА маалымат агенттиги кабарлады.
Агентиктин маалыматына ылайык, Беларусь Республикасынын Конституциясына ылайык, өкмөт жаңы шайланган президентке өзүнүн ыйгарым укуктарын тапшырды. Тиешелүү токтомго Роман Головченко кол койгон.
Токтом кабыл алынган күндөн тартып күчүнө кирет.
Белгилей кетсек, бүгүн Борбордук шайлоо комиссиясы Беларусь президентин шайлоонун жыйынтыгын бекиткен. Ага ылайык, президенттик шайлоодо Александр Лукашенкого шайлоочулардын 86,82%ы добуш берген.
“Беларусь Республикасынын президенти болуп Александр Григорьевич Лукашенко шайланды. Анын талапкерлиги үчүн 5 миллиондон ашуун добуш берилди, бул 86,82%ды түздү, башкача айтканда добуш берүүгө катышкан Беларустун жарандарынын жарымынан көбү”, - деген БШКнын катчысы Елена Балдовская.
