Бишкек, 18.02.25. /Кабар/. Министрлер кабинетинин төрагасынын орун басары Эдил Байсалов Мамлекеттик дене тарбия жана спорт агенттигинин жамаатына директор Айбек Абдымомуновду тааныштырды.
Агенттиктен билдиришкендей, иш-чаранын жүрүшүндө Эдил Байсалов Айбек Абдымомуновго жана анын командасына иштеринде ийгиликтерди каалап, бир катар милдеттерди коюп, массалык спортту жана спорттогу жогорку жетишкендикти өнүктүрүү боюнча маанилүү багыттарга көңүл бурду.
Белгилей кетсек, 2025-жылдын 11-февралында президент жарлыкка кол коюп, ага ылайык Маданият, маалымат, спорт жана жаштар саясаты министрлигинин алдындагы Дене тарбия жана спорт департаментинин базасында Министрлер Кабинетине караштуу Мамлекеттик дене тарбия жана спорт агенттиги түзүлгөн.
