Бишкек, 28.10.26. /Кабар/. Министрлер кабинетинин төрагасынын биринчи орун басары Данияр Амангелдиев Knighthood Global консалтингдик компаниясынын төрагасы Жеймс Хоган менен жолугушуу өткөрдү.
Тараптар жарандык авиацияны өнүктүрүү, эл аралык аба каттамдарын кеңейтүү, аэропорттук инфраструктураны модернизациялоо жана улуттук авиаташуучулардын атаандаштыкка жөндөмдүүлүгүн жогорулатуу жаатындагы кызматташуунун келечегин талкуулашты.
Жолугушуунун жыйынтыгында тараптар Кыргызстанда жарандык авиацияны өнүктүрүү боюнча мындан аркы кызматташууга кызыкдар экендиктерин билдиришти.
