Бишкек, 01.10.26. /Кабар/. Министрлер кабинетинин төрагасы Адылбек Касымалиев Беларустун Минск шаарына иш сапары менен барды.
“Минск” улуттук аэропортунан министрлер кабинетинин төрагасы Адылбек Касымалиевди Беларустун премьер-министринин орун басары Юрий Шулейко жана башка расмий кызмат адамдары тосуп алышты.
Эске сала кетсек, министрлер кабинетинин төрагасы Адылбек Касымалиев иш сапарынын алкагында Евразия өкмөттөр аралык кеңешинин кезектеги отурумдарына, ошондой эле “Иннопром. Беларусь” эл аралык өнөр жай көргөзмөсүнө жана анын пленардык жыйынына катышат.
Иш-чаралар Евразия экономикалык биримдигине мүчө мамлекеттердин өкмөт башчыларынын, ошондой эле ЕАЭБге байкоочу мамлекеттердин жана чакырылган өлкөлөрдүн делегация башчыларынын, Евразия экономикалык комиссиясынын Коллегиясынын төрагасынын катышуусунда өтөт.
Отурумдардын жыйынтыгында Евразия экономикалык биримдигинин алкагында ЕАЭБге мүчө мамлекеттердин ортосундагы ар тараптуу кызматташтыкты мындан ары өнүктүрүүгө жана чыңдоого багытталган бир катар документтерге кол коюлат.
