Бишкек, 02.04.25. /Кабар/. Бүгүн Жети-Өгүздүн Дархан айылында райондук ички иштер бөлүмүнө караштуу айылдык милиция бөлүмчөсүнүн жаңы 2 кабаттуу имаратынын ачылышы болду.
Ички иштер министрлигинен билдиришкендей, айылдык милиция бөлүмчөсүнө милициянын ардагери Ургазы Иманакуновдун ысымы берилди.
Иш-чарага ички иштер министринин орун басары Октябрь Урмамбетов, президенттин Ысык-Көл облусундагы өкүлү Бакытбек Жетигенов, Ысык-Көл облусунун ички иштер башкармалыгынын башчысы Мурат Боронов, милициянын ардагерлери, кызматкерлер, жергиликтүү тургундар жана ардагер Ургазы Иманакуновдун жакындары катышты.
Иички иштер министри Улан Ниязбековдун милиция кызматкерлерине материалдык, техникалык жана иш шарттарын түзүп, ар дайым көңүл буруп, колдоо көрсөтүп жаткандыгына ардагерлер терең ыраазычылыгын билдиришти.
Жаңы имарат Ички иштер министринин демилгеси менен "100 жылдыкка – 100 имарат" долбоорунун алкагында курулуп, пайдаланууга берилди.
