Ташкент, 28.03.25. /Кабар/. Өзбекстандын президенти Шавкат Мирзиёев кечээ тышкы иштер жана коопсуздук саясаты боюнча жогорку өкүлү Каей Каллас баштаган делегацияны кабыл алды, деп билдирди өкмөт башчынын басма сөз кызматы.
Жолугушууда амалдагы кызматташтыкты кеңейтүү жана алдыдагы биргелешкен иш-чараларды даярдоо маселелери талкууланды.
Үстүбүздөгү жылдын 3-4-апрелинде Самарканд шаарында "Борбор Азия – Европа Биримдиги" биринчи саммитинин иш-чараларын өткөрүү маселелерине өзгөчө көңүл бурулду. Бул контекстте Ашхабадда өткөн көп тараптуу министрлер жолугушуусунун жемиштүү жыйынтыктары жогору бааланды.
Соода жана логистика, анын ичинде Транскаспий транспорт коридорунун потенциалын ачуу, санариптештирүү, жашыл энергетика, экология, инфраструктураны модернизациялоо жана башка тармактарда демилгелерди жана долбоорлорду ишке ашыруунун натыйжалуу механизмдерин киргизүү менен эки аймактын ортосундагы өз ара пайдалуу кызматташтыкты өнүктүрүүнүн маанилүүлүгү баса белгиленди.
Ошондой эле Өзбекстан менен ЕБ институттарынын ортосундагы мамилелерди мындан ары тереңдетүү маселелери боюнча пикир алмашылды. Кеңейтилген өнөктөштүк жана кызматташтык боюнча жаңы келишимди кабыл алуу жана Өзбекстандын Дүйнөлүк соода уюмуна кирүү маселелери да талкууланды.
