Бишкек, 19.03.25. /Кабар/. “Караганды-Сай” участогунан 500 гектар жайыт жерди биз алдык. Бул тууралуу Жогорку Кеңештин комитеттеринин биргелешкен жыйынында министрлер кабинетинин төрагасынын орун басары - УКМК төрагасы Камчыбек Ташиев билдирди.
Анын айтымында, буга чейин аталган жерди кыргыз тарап иштетип келген. Бирок, кандайдыр бир себептерден улам соңку жылдары тажик тарап тартып алып, иштетип келген.
“Акыркы жылдары бул участоктогу “Карамык”, “Жекенди” айылдарына Чоң-Алай районунун тургундары кире албай калышкан. Биз бул жерди кайра өзүбүзгө кайтарып алдык”,-деди ал.
