Бишкек,19.02.25./Кабар/. Санариптик өнүктүрүү министрлигинде жыйын өттү.
Ведомстводон билдиришкендей, жыйында коррупция менен күрөшүүгө багытталган мыйзамдардагы өзгөртүүлөр талкууланды.
Негизги өзгөрүүлөр:
- Коррупция үчүн жазаны күчөтүү.
- Коррупция боюнча соттолгондорго мамлекеттик кызматта иштөөгө өмүр бою тыюу салуу.
- Зыяндын ордун толтурган учурда жазадан бошотуу мүмкүнчүлүгүн алып салуу.
Мындан тышкары, мурда коррупциялык укук бузууларга баргандар үчүн мамлекеттик органдарда жана укук коргоо органдарында иштөөгө чектөөлөр киргизилгени белгиленди.
"Санариптик өнүктүрүү министрлиги 2025-2030-жылдарга коррупцияга каршы күрөшүү боюнча мамлекеттик стратегияга ылайык, коррупцияга каршы чараларды күчөтүү боюнча ишти улантууда",-деп айтылат маалыматта.
