Бишкек, 14.09.26. /Кабар/. Ош шаарындагы №29 жалпы билим берүү мектебинин жаңы окуу корпусу пайдаланууга берилди.
Курулуш, архитектура жана турак жай-коммуналдык чарба министрлигинен билдиришкендей, жаңы окуу жылына карата окуучулар үчүн ыңгайлуу билим алуу шарттары түзүлдү.
Долбоордун алкагында курулушу бүтпөй калган имарат реконструкцияланып, анын функционалдык багыты 275 орундуу мектепке өзгөртүлдү.
Башкы план боюнча мектептин курамында үч кабаттуу окуу имаратынын эки блогу каралган. Анын ичинен А-блогу толугу менен реконструкцияланды.
